قصيدة (( افكــار )) للشاعر مهدى بشير التمامى

قصيدة أفكار للشاعر المهدى بشير التمامى

أفكار في مدار العقل تلعب في طولْ = وأفكار حملن بحمول قصرن أقيودها

وأفكار يدربن للحق حادن عالزلل = وأفكار موتن بأسرار خشن الحودها

وأفكار سارحات ضوال مازلن أغفل= حتى وهن بنار الوسم طابن اجلودها

وأفكار غاصات بهم من مضغ الاعلل= وأفكار غيلن بالزور شهدن أشهودها

وأفكار داهبات أعطاش واردهن أقتل = سقطار الاقرب بالسم يبس أكبودها

وأفكار وانسن مالخوف حطن عالاغول= اللي من رديم أقبور ناضن أرقودها

وأفكار مالهوايل هذب ماقيهن أفتل= وما عمر دمع خلوج حايا قعودها

بينهن أيموج العقل من غيضه أدقل= ايكص بالاقيود انضره في راس رودها

حتى انكان له مدات مالطربه اعزل= وكل يوم لون ادراد ينشل اجبودها

حتى انكان طاويته الدنيا بالعقل = اللي من خيال الديب خافن أصيودها

سوايا اخبات انفوس واعيوبهم أحمل= اللي فوق ثوب الفتن لطن أجرودها

يحسابوا ان جي النهار ضيا ينختل= وإيديروا أشبك عالشمس تستر اهرودها

أنكانهم عليهن الغير يرجوا فالسبل = ايخونهم حليب اعروق واحد اجدودها

علي عين في ميعاد يعمر وينعدل= ويفكن وتاق اللي اتنن اقيودها

يكراماً اوجوه اجواد جتني تدخل= ومسامح السن بالسو سلن اغمودها

لاجل ضنا لجواد قاديهم اهبل= لقلوب لضنا لجواد تبياض سودها

دبيحت اوجوه اكرام فيا ما فعل= وانقيله ولو ستين مرة ايعودها

مازال في سريب العقل قولي ما أكمل = ولا البعد عالمقراع يقطع اجهودها

تشبا عالقزع وطير تسحن فالنعل = وما اتحمل لمس اركاب ساعة شرودها

انجيها وني امهموم فاطر عالاعلل= خزاين غياضي دلف قنّد اسدودها

ندراها هدد لا لجمت لاي بالاعقل = بي تندبس في نار لهلاب عودها

مازال من غوير البير عقلي ما نشل= راك ما سمعت طفاح طافح ركودها

ولاني علي ليام لاويني زعل = وعارف انها ماعمر وفن اعهودها

دنيا قديمة شوم طيّاحت أدول = علي مشنقة صدام لعبن أقرودها

من محفوظاتى الشخصيه

تحياتى خوكم : الفرجانى جيره

مشكور جدأأأأأأأأأأأأأأأأأأأ
والله الموفق
ونتطالع دائمأ لرؤيت جديدك

مشكورررررررر جدأ
cheers

أمنور والقصيدة حلوووووي