قصيدة (( لا عاد نلومك )) للشاعر عتمان بلال

السلام عليكم
اخوتى واخواتى اهديكم هده القصيده البسيطه
للشاعر عتمان بلال
وارجو ان تنال اعجابكم

تقول القصيده

لاعاد نلومك لاعلى تلومى=ديرى عزوم ونا اشداد اعزومى
ديرى اعزوم وعدى=ولا انردلك لا عد على اتردى
نريده الحل معاك يبقى ودى= وغالى على كيفك غوالى رومى
امسوقر الياس وخاتمه فى يدى=حتى وين ما نمشى اصدارى يومى
مالك ومالى خاطرى متكدى=وفى كل حاجه مختلط مفهومى
غريق نين ماشى للردى متردى=ماانظن لك داعى وراى اتعومى
ديرى اعزوم وشوفى=يم الحواجب كى الخط الكوفى
ما انريد نحمل ذنب فوق اكتوفى=ولاانريد نصدر للغلا مرسومى
ماهى كريفه فيك لكن خوفى=سريبك ايشقينى ايشوى نومى
ونبقى انراجى فيك نين اتروفى=وما نبوح لاجل ع الاسرار كتومى
لا والنبى ما يسمحنش اظروفى=لا تحزنى لا تفرحى باقدومى
ديرى اعزوم وديرى=غلا بيش ما تشقى امعاى اتحيرى
امعاى قصرن ليام شوفى غيرى=خلاص اعزلى كومك وناخد كومى
ولا عد انسال ولا على اتغيرى=ولا عد انريدك فى سماى اتحومى
نا فى طريق وفى طريقك سيرى=اعتبريه من توا قرار حكومى
ما ايهمنى كسرى ولا تجبيرى=ولا ان متت نبقى متت ناقص يومى

تحياتى خوكم : الفرجانى جيره
من محفوظاتى الشخصيه

مشكوره علي الكلام الزين
ونتطلع للمزيد من ابداعك

منور الفرجاني مش عادية

حلوي بجد وياريتها كانت من ابدعك
فرحنا

حلوووووووووي
ومشكور علي النقل الرائع

منور خوي الفرجاني وننتطر الرائع والجديد منك